දේශීය ආදායම් සංශෝධන පනත් කෙටුම්පත ඊයේ (07) පාර්ලිමේන්තුවේදී වැඩි ඡන්ද 45කින් සම්මත වුවත් මෙම තීරණාත්මක පනත් කෙටුම්පත සඳහා ඡන්දය විමසීමේදී ආණ්ඩු පක්ෂයේ මන්ත්රීවරුන් 20 දෙනෙකු ඒ සඳහා සහභාගී වීමට නොපැමිණීම විශේෂත්වයක් විය.
ශ්රී ලංකා පොදුජන පෙරමුණේ නායක මහින්ද රාජපක්ෂ, චමල් රාජපක්ෂ, නාමල් රාජපක්ෂ යන මන්ත්රීවරුන් පමණක් නොව රාජපක්ෂ පවුලේ තවත් සමීප ඥාතියකු වන නිපුණ රණවකත් මෙම ඡන්ද විමසීමට පැමිණ සිටියේ නැති අතර රාජපක්ෂ පවුලෙන් මීට පක්ෂව ඡන්දය භාවිතා කර තිබුණේ ශෂීන්ද්ර රාජපක්ෂ පමණි.
එමෙන්ම ජොන්ස්ටන් ප්රනාන්දු, ජනක බණ්ඩාර තෙන්නකෝන්, එස්.බී. දිසානායක, දුමින්ද දිසානායක, ජෝන් සෙනවිරත්න, ප්රේමලාල් ජයසේකර, ලොහාන් රත්වත්තේ වැනි පිරිසක් ද පැමිණ සිටියේ නැත.
දිළුම් අමුණුගම, ෆලීල් මර්ජාන් සහ ධම්මික පෙරේරා යන මන්ත්රීවරුන් විදේශගතව සිටින බව දැනුම් දී තිබිණි.
මෙය පොහොට්ටුව විසින් ආණ්ඩුවට ලබාදුන් අනතුරු හැඟවීමේ සංඥාවක්ද යන්න පිළිබඳව දේශපාලන ක්ෂේත්රයේ කතාබහට ලක්ව තිබේ.
RN
