කොළඹ LNW: ජනාධිපතිවරයෙක් විශ්‍රාම ගිය පසු ඔහුට ඉන්න නිවසක් නොමැති වීමෙන් එතෙක් ඔහු පවත්වාගෙන ආ ස්ටේටස් නැති වෙන බව සමඟි ජන සන්ධානයේ පාර්ලිමේන්තු මන්ත්‍රී දයාසිරි ජයසේකර මහතා අද (10) පාර්ලිමේන්තුවේදී පෙන්වා දුන්නේය.
ඒ, හිටපු ජනාධිපතිවරුන්ගේ හිමිකම් ( අවලංගු කිරීමේ) පනත් කෙටුම්පත සම්බන්ධ දෙවන වර කියවීමේ විවාදයට එක්වෙමිනි.
හිටපු ජනාධිපතිවරයෙක්ගේ නිවසකට රජය දරන වියදමද එහිදී මන්ත්‍රීවරයා සඳහන් කළේය.
”ජනාධිපතිවරයෙක්ට අනාගතයේ ඉන්න ගෙදරක් නැතිවුණාම මොකද වෙන්නේ. ඔහුව බලාගන්න විදිහක් නැතිවුණාම මොකද වෙන්නේ. ඔහි හිටපු ස්ටේටස් එකක් තියෙනවා. එතකොට මොකද වෙන්නේ. එයා බලනවා ජනාධිපතිකමේ ඉන්න ගමන් අනාගතේ තමන්ගේ කටයුතු හදා ගන්න බිස්නස්කාරයෙකුට, යාලුවෙකුට කතා කරනවා. ඒ ගෞරවය තියන් තමයි රජය ඒ වගකීම භාරදෙන්නේ. ඔයා මොනතරම් වැඩකලත් කමක් නෑ ඔය මැරෙනකම් බලාගන්නවා. මොකක්ද මේකට යන වියදම. මුළු දළ ජාතික නිෂ්පාදිතයෙන් 0.00119යි.එතකොට රෙවනියු එකෙන් වියදම 0.00874. මේක තමයි මේ කතා කරන්නේ. ඇයි මේ? මේ කළේ වෛරයක් ඇතිකළා මිනිස්සු තුළ.” යනුවෙන් මන්ත්‍රීවරයා සඳහන් කරන ලදී.
ආශිකා බ්‍රාහ්මණ
