ශ්‍රී ලංකාව සහ පකිස්තානය අතර පැවත්වෙන ආසියානු කුසලාන අවසාන මහ තරගයේදී වනිඳු හසරංගට කඩුලු ත්‍රිත්වයකට අවස්ථාව ඇත.ඒ අවසාන තරගයට පෙර පකිස්තානය සමඟ පැවති තරගයේ දී ඔහු පන්දු යැවීම නිමා කළේ,ඔහු විසින් යවන ලද අවසාන පන්දු දෙකට කඩුලු ලබා ගනිමින් නිසාය.
එකම තරගාවලිය වීම නිසාත්,එකම කණ්ඩායමට එරෙහිව වීම නිසාත් වනිඳුට මෙම අවස්ථාවට ඉඩ හිමි වෙයි.ජාත්‍යන්තර 20/20 තරග පිටියේ සිටින විශිෂ්ඨම පන්දු යවන්නෙක් හැටියට වර්ථමානයේ පිළිගැනෙන වනිඳු මෙම තරගාවලියේ කඩුලු ලබා ගැනීමේ යම් පසු බැස්මක් පෙන්නුවද,අවසාන තරගයට පෙර පකිස්තානයට එරෙහිව දක්ෂතා අතරට එමින් ලකුණු 21 ට කඩුලු 3 ක් දවා ගන්නට සමත්විය.ඒ අනුව ඔහු මේ දක්වා පැවති තරග සමඟ සළකද්දී ඩිල්ෂාන් මධුශංක සමඟ කඩුලු 6 ක එකතුවක් ලබා ගෙන,තරගාවලියේ ශ්‍රී ලංකා කණ්ඩායමේ වැඩිම කඩුලුලාභියාගේ සමතැන් දිනා ගන්නට සමත්ව ඇත.
RM
