රෂිකා හෙන්නායක සැප්තැම්බර් 11ලෝකය (අවුට්බවුන්ඩ් ටුඩේ):
සියලුම ඉරාන ගුවන් සේවා බ්‍රිතාන්‍යය විසින් අත්හිටුවා තිබෙන බව එරට මාධ්‍ය වාර්තා කරයි.
යුක්‍රේනයට ප්‍රහාර එල්ල කිරීම සඳහා රුසියාවට බැලස්ටික් මිසයිල සැපයීම සම්බන්ධයෙන් ඉරානයට රටවල් රැසකින් චෝදනා එල්ල වී ඇත. ඇමරිකාව, ප්‍රංශය හා ජර්මනිය මේ හේතුවෙන් ඉරානයට නව සම්බාධක පනවා ඇති බව විදෙස් වාර්තා සඳහන් කරයි.
මෙම පියවර හේතුවෙන් ඉරාන ජාතික ගුවන් සේවය වන ඉරාන් එයාර් ගුවන් ගමන් අත් හිටුවීමට බ්‍රිතාන්‍යය කටයුතු කර තිබෙන බව පැවසේ.එමෙන්ම චෝදනා එල්ල වූ ඉරාන ජාතිකයින් ගනනාවක් සඳහා සංචාරක තහනම් කිරීම් හා වත්කම් තහනම් කිරීම ද ඊට ඇතුළත් වේ.
මේ අතර ලන්ඩනයට ගිය ඇමරිකා රාජ්‍ය ලේකම් ඇන්ටනි බ්ලින්කන් පැවසුවේ ඉරාන හමුදා විසින් කෙටි දුර බැලස්ටික් මිසයිල භාවිතා කිරීමට රුසියානුවන් පුහුණු කර ඇති බවයි. නමුත් රුසියාව එම ප්‍රකාශය ප්‍රතික්ෂේප කර තිබෙන බවද සඳහන් වේ.
