සටහන – රුවන් නෙළුගොල්ල
කාන්තා හා ළමා කටයුතු රාජ්‍ය අමාත්‍ය ධූරයට පත් කෙරුණු විශේෂඥ වෛද්‍ය සීතා අරඹේපොල මහත්මිය අද (13) පෙරවරුවේ දිවුරුම් දී තිබේ.
ඒ, ජනාධිපති කාර්යාලයේදී ජනාධිපති රනිල් වික්‍රමසිංහ මහතා ඉදිරියේදී ය.
සීතා අරඹේපොල මහත්මිය කාන්තා හා ළමා කටයුතු රාජ්‍ය අමාත්‍ය ධූරයට පත් කර ඇත්තේ ඇය මෙතෙක් දැරූ සෞඛ්‍ය රාජ්‍ය අමාත්‍ය ධූරයට අමතරවය.
මීට පෙර කාන්තා හා ළමා කටයුතු රාජ්‍ය අමාත්‍ය ධුරය දැරූ ගීතා කුමාරසිංහ මහත්මිය ජනාධිපතිවරණයේදී සජිත් ප්‍රේමදාස මහතාට සහාය පළකිරීම හේතුවෙන් ඇයව එම තනතුරින් ඉවත් කිරීමට ජනාධිපති රනිල් වික්‍රමසිංහ මහතා පසුගියදා කටයුතු කර තිබිණි.
