සටහන: සශිකලා මධුෂාණි
සැප්තැම්බර් 13; ලෝකය(අවුට්බවුන්ඩ් ටුඩේ) : 2021 දී මත්පැන් අලෙවිය ලිහිල් කිරීමේ ප්‍රතිපත්තියක් ක්‍රියාත්මක කිරීමට සහ එම අංශයේ ලාභදායී රජයේ කොටස් අත්හැරීම සම්බන්ධයෙන් මාස හයකට පෙර අත්අඩංගුවට ගෙන සිරගත කර සිටි දිල්ලි මහ ඇමති අරවින්ද් කෙජ්රිවාල්ට ඇප ලබා දී ඇති බව වාර්තා වේ.
ඒ අනුව, අද(13)දිනයේදී නිකුත් කරන ලද තීන්දුවකට අනුව ශ්‍රේෂ්ඨාධිකරණයේ ද්විපුද්ගල විනිසුරු මඩුල්ලක් කියා තිබුනේ, කෙජ්රිවාල් අත්අඩංගුවට ගැනීම නීත්‍යානුකූල වුවත්, ඔහුට එරෙහි චෝදනාවල තහවුරු වනතෙක් නිදහස් කළ යුතු බවයි.
කෙසේ නමුත් ඉන්දීය ෆෙඩරල් මූල්‍ය අපරාධ විමර්ශන ඒජන්සිය වන බලාත්මක කිරීමේ අධ්‍යක්ෂ මණ්ඩලය, මත්පැන් කොන්ත්‍රාත්කරුවන්ගෙන් රුපියල් බිලියන 1ක් (ඩොලර් මිලියන 12) ලබා ගත් බවට කෙජ්රිවාල්ගේ පක්ෂයට සහ ඇමතිවරුන්ට චෝදනා කර තිබේ.
අග්‍රාමාත්‍ය නරේන්ද්‍ර මෝදිට එරෙහි සන්ධානයක ප්‍රධාන නායකයෙකු වන කෙජ්රිවාල් අත්අඩංගුවට ගැනීම දේශපාලන කුමන්ත්‍රණයක් වශයෙන් විපක්ෂය චෝදනා කරන අතර කෙජ්රිවාල්ගේ නිදහස් කිරීමත් සමඟ ඔහු දශකයක් පැරණි ආම් ආද්මි පක්ෂයේ (AAP)පක්ෂය හරහා ඉදිරියේ දී උතුරු හර්යානා ප්‍රාන්තයේ ප්‍රාදේශීය මැතිවරණ ප්‍රචාරක කටයුතු සිදු කරනු ඇත.
