සටහන – නිශ්මං රණසිංහ
සැප්තැම්බර් 16, (LNW) කොළඹ :
හෙට ඇරඹෙන නවසීලන්තය සහ ශ්‍රී ලංකාව අතර පැවත්වෙන පළමු ටෙස්ට් තරගයේ දී ශ්‍රී ලංකා කණ්ඩායමේ පිතිකරණ ලැයිස්තුවේ වෙනසක් සිඳු විය හැකි බව වාර්තා වෙනවා.එහිදී පිතිකරණ ලැයිස්තුවේ ඉහළින් සිටි කුසල් මෙණ්ඩිස් අංක හය හෝ හත දක්වා පහතට ගෙන කඩුලු රැකීමේ වගකිම පැවරීමට තීරණය වී ඇති බවත්,ලකුණු අතර සිටින කමිඳු මෙණ්ඩිස් පිතිකරණ ලැයිස්තුවේ ඉහළට ගැනීමටත් අපේක්ෂා කරන බව එම වාර්තා පෙන්වා දෙනවා.
එසේම දකුණු අප්‍රිකා ඒ කණ්ඩායමට එරෙහිව පිත්තෙන් දස්කම් දක්වමින් සිටි ඔෂධ ප්‍රනාන්දු ද කණ්ඩායමට කැදවා ඇති බවට තොරතුරු වාර්තා වෙනවා. පළමු නිල නොවන ටෙස්ට් තරගයේ වීරයා වෙමින් දකුණු අප්‍රිකානු පරාජයට පාර කැපූ ඔෂධ ඊයේ ඇරඹි දෙවන නිල නොවන ටෙස්ට් තරගයට ඇතුළත් නොකර නැවත ලංකාවට එවා තිබීමෙන් ඔහුටද නවසීලන්තයට එරෙහිව නැඟෙන ශ්‍රී ලංකා කණ්ඩායමේ ඉඩක් වෙන් වීමට ඉඩ තිබෙනවා.
