පාරිභෝගිකයන්ගේ 21,527 කගේ ජල සැපයුම අගෝස්තු මාසය තුළදී අත්හිටවූ බව ජාතික ජලසම්පාදන හා ජලාපවාහන මණ්ඩලයේ සහකාර සාමාන්‍යාධිකාරී පියල් පද්මනාත මහතා පවසනවා. මණ්ඩලයට අයවිය යුතු මුදල් නිසිපරිදි ගෙවීම පැහැර හැරීම හේතුවෙන් මෙසේ ජල සැපයුම අත්හිටුවීමට පියවර ගෙන ඇත.
මෙම පාරිභෝගිකයන්ගෙන් අයවිය යුතු මුදල රුපියල් බිලියන 5.2 කට ආසන්න බවද ඒ මහතා පෙන්වා දෙනවා.
මේ අතර ජල බිල්පත් සඳහා ගෙවීම් පැහැර හැර ඇති මැති ඇමතිවරුන් සම්බන්ධයෙන් ජාතික ජල සම්පාදන හා ජලාපවාහන මණ්ඩලය විසින් කතානායක මහින්ද යාපා අබේවර්ධන මහතා දැනුවත් කර තිබෙනවා. කතානායකවරයා අදාල මැති ඇමතිවරුන්ගේ නම් ලැයිස්තුවක් ජල සම්පාදන මණ්ඩලයෙන් ලබාගෙන ඇති අතර මෙම ගැටලුව පිළිබඳව ඔවුන් දැනුවත් කරන බවද කතානායකවරයා පවසා තිබෙනවා.
මැති ඇමතිරවුන්ට හිග බිල්පත් ගෙවීම සඳහා මාස දෙකක කාලයක් ලබාදෙන ලෙස ඉල්ලා ඇති කතානායකවරයා එම කාලසීමාව තුළ හිග බිල්පත් පියවීමට කටයුතු නොකරන මැති ඇමතිවරුන්ගේ ජල සැපයුම විසන්ධි කරන ලෙස දන්වා තිබෙනවා.
UN
