සටහන – රෂිකා හෙන්නායක
කොළඹ (LNW): තාක්ෂණ හා ආයෝජන ප්‍රවර්ධන වැඩබලන අමාත්‍ය කනක හේරත් මහතා විසින් සිදුකළ දැනුම්දීමකට අනුව රාජ්‍ය ආයතනවල විද්‍යුත් ලිපිනයන්වලට එල්ල වූ සයිබර් ප්‍රහාරය සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් ආරම්භ කර ඇති බව වාර්තා වේ.
එම සයිබර් ප්‍රහාරය 2023 අගෝස්තු මස 26 වැනි දින එල්ල වූ අතර ඉන් කැබිනට් කාර්යාලය ඇතුළු රජයේ ආයතන රැසක විද්‍යුත් ලිපිනයන්වල දත්ත අහිමි වී ඇති බවයි සඳහන් වන්නේ.
වැඩබලන අමාත්‍ය කනක හේරත් මහතා කියා සිටියේ , එම සයිබර් ප්‍රහාරය සම්බන්ධයෙන් තොරතුරු හා සන්නිවේදන නියෝජිත ආයතනයෙන් සහ ශ්‍රී ලංකා පරිගණක හදිසි ප්‍රතිචාර සංසදයෙන් වාර්තාවක් කැඳවා ඇති බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
