හිටපු නියෝජ්ය පොලිස්පති වාස් ගුණවර්ධනගේ බිරිඳ වන ශ්යාමලී පෙරේරා ගුණවර්ධන සහ හිටපු පොලිස් අධිකාරී ඉන්දික පුෂ්පකුමාර යන අය අත් අඩංගුවට ගැනීම සඳහා කොළඹ මහාධිකරණය විසින් වරෙන්තු නිකුත් කර තිබේ.
ඒ, 2009 වසරේදී ශ්රී ලංකා තොරතුරු තාක්ෂණ ආයතනයේ අධ්යාපනය ලබමින් සිටි නිපුණ රාමනායක නම් සිසුවා පැහැරගෙන ගොස් පහරදී වධහිංසාවට ලක්කිරීම සම්බන්ධ නඩුව පෙරේදා (16) කැඳවූ අවස්ථාවේදී ය.
මෙම නඩුවට අදාළව ඇප මත නිදහස් කර සිටි ඉහත විත්තිකරුවන් දෙදෙනාව එදින අධිකරණය හමුවට කැඳවා තිබුණත් ඔවුන් එහි පෙනී නොසිටි බැවින් මහාධිකරණ විනිසුරු අමල් රණරාජා මහතා විසින් මෙසේ වරෙන්තු නිකුත් කරන ලදී.
RN
