රෂිකා හෙන්නායක සැප්තැම්බර් 19, කොළඹ LNW :
04 වැනි ශ්රේණියේ ඉගෙනුම ලබමින් සිටි දැරියක් පාසල් වෑන් රථයක් තුළදී බරපතල ලෙස ලිංගික අපයෝජනයකට ලක් කළ
68 හැවිරිදි පුද්ගලයෙකුට බරපතළ වැඩ සහිත වසර 25ක සිරදඬුවම් ඊයේ(19) දින නියම කෙරිණ. එම සිදුවීම සිදුව ඇත්තේ මීට වසර 11කට පෙරයි.
නඩුවේ තීන්දුව ප්රකාශයට පත් කර ඇත්තේ කොළඹ මහාධිකරණ විනිසුරු ආර්.එස්.එස්. සපුවිද මහතා විසිනි. එලෙස සිරදඬුවම් නියම වූයේ ජනප්රිය පාසලකට දරුවන් ප්රවාහනය කරන පාසල් වෑන් රථයක රියැදුරෙකු ලෙස සේවය කළ එක්දරු පියෙකුට වේ.
සිරදඬුවමට අමතරව රුපියල් 30,000ක දඩයක් සහ වින්දිත දැරියට රුපියල් ලක්ෂ 5ක මුදලක් වන්දි ගෙවීමටද ඔහුට නියෝග කෙරිණ. එම දඩ සහ වන්දි මුදල් නොගෙවන්නේ නම් අමතර සිරදඬුවම්ද නියම කර ඇති බව වාර්තා වේ.
