සටහන – රුවන් නෙළුගොල්ල
හෙට (21) පැවැත්වෙන ඡන්ද විමසීම සඳහා වලංගු අනන්‍යතා ලේඛන සම්බන්ධයෙන් මැතිවරණ කොමිෂන් සභාව විසින් නිවේදනයක් නිකුත් කර තිබේ.
ඒ අනුව, අදාළ ලැයිස්තුව පහතින් දැක්වෙන අතර මේ එකක් හෝ හරහා අනන්‍යතාව තහවුරු කිරීම අනිවාර්යය වේ.
පුද්ගලයින් ලියාපදිංචි කිරීමේ දෙපාර්තමේන්තුව මගින් නිකුත් කර ඇති ජාතික හැඳුනුම්පත
වලංගු විදේශ ගමන් බලපත්‍රය
වලංගු රියදුරු බලපත්‍රය
රාජ්‍ය සේවා විශ්‍රාමික හැඳුනුම්පත( විශ්‍රාම වැටුප් දෙපාර්තමේන්තුව විසින් නිකුත් කළ)
වැඩිහිටි හැඳුනුම්පත ( ප්‍රාදේශීය ලේකම් කාඒයාලය විසින් නිකුත් කළ)
පුද්ගලයින් ලියාපදිංචි කිරීමේ දෙපාර්තමේන්තුව මගින් නිකුත් කරනු ලබන පූජ්‍ය / පූජක හැදුනුම්පත
පුද්ගලයින් ලියාපදිංචි කිරීමේ දෙපාර්තමේන්තුව මගින් නිකුත් කරනු ලබන ජාතික හැදුනුම්පත් තොරතුරු තහවුරු කිරීමේ ලිපිය
ආබාධිත තැනැත්තන් සඳහා මැතිවරණ කොමිෂන් සභාව විසින් නිකුත් කරනු ලබන තාවකාලික හැඳුනුම්පත
මැතිවරණ කොමිෂන් සභාව මගින් නිකුත් කරනු ලබන තාවකාලික හැඳුනුම්පත
ඉහත සඳහන් ලේඛන හැර සේවා ස්ථානවලින් නිකුත් කර ඇති ඡායාරූප සහිත හෝ රහිත වෙනත් කිසිදු හැදුනුම්පතක් වලංගු නොවන බවයි මැතිවරණ කොමිෂන් සභාව අවධාරණය කරන්නේ.
