රෂිකා හෙන්නායක සැප්තැම්බර් 22 කොළඹ LNW :
තංගල්ල සීනිමෝදර ප්රදේශයේ නිවසක තිබී පුද්ගල මළ සිරුරු දෙකක් හමුවී තිබෙන බව , පොලීසිය පවසයි.
අලුත්වැඩියා කරමින් තිබූ පැරණි නිවසක එම මළ සිරුරු දෙක හමු වූ බව පොලිසිය පැවසූ අතර, එම නිවසේ සිටි තවත් පුද්ගලයෙකු ඇති වූ හදිසි අසනීප ත්ත්වයක් හේතුවෙන් තංගල්ල මහ රෝහලට ඇතුළව ඇති අතර එහිදී ඔහුද ජීවිතක්ෂයට පත්ව තිබෙන බවද පොලීසිය කියයි.
පොලීසිය වැඩි දුරටත් සඳහන් කර සිටියේ, සිදුකළ විමර්ශනයේදී එම නිවස අසල පිහිටි ලොරි රථයක තිබී අයිස් මත්ද්රව්ය අඩංගු පැකට් 10ක් ද සොයා ගත් බවයි
රජයේ රසපරීක්ෂකවරයා විසින් අදාළ සිද්ධිය සම්බන්ධව රස පරීක්ෂණය සිදුකරමින් පවතින බවත්, සිද්ධිය පිළිබඳව මේ වන විට පොලීසිය විමර්ශන ආරම්භ කර තිබෙන බවත් වාර්තා වේ.
