දේශපාලනයට පැමිණෙන්නේද නැද්ද යන්න සම්බන්ධයෙන් තමන්ටත් තීරණයක් ගැනීමට සිදුවනු ඇති බව අරගලයේ ඉදිරි පෙළ ක්‍රියාකාරිනියක වූ ජනප්‍රිය නිළි දමිතා අබේරත්න මහත්මිය පවසයි.
“දේශපාලනයට එන්න කවදාවත් සිතුවිල්ලක් තිබුණෙ නෑ. මට මේ වෙච්ච අසාධාරණය … මේ රටේ මට දැනෙනවා ස්වාධීන මනුස්සයෙක් විදියට අපට නැගිටින්න නැගිටින්න ඔළුවට ගහන රටක්. සත්‍යය වෙනුවෙන් පෙනී හිටින්න බැරි, සත්‍යය කතා කරන තැන්වලදී අපට ඔළුවට ගහලා, පාගලා, කුඩු පට්ටං කරන්න හදන රටක්. එතකොට පාට පක්ෂ එක්ක හිටගත්ත බොහෝ දෙනෙක්ව රැකෙනවා. මං කියන්නෑ ඒක හරි කියලා. හැබැයි හෙට දවසේ දේශපාලනයට එනවාද නැද්ද කියලා මටත් තීන්දුවක් ගන්න වේවි මේ යන විදියට. ඒ තීන්දුව ගන්න වුණොත් මම හිටගන්නේ කොහෙද කියලා මම තීන්දුවක් ගනීවි හරිම, සාධාරණම තැනක හිටගන්න. සමහරවිට මම තවම තීන්දුවක් අරගෙන නෑ, හෙට දවසේ මම එහෙම තීන්දුවක් ගනීවි මේ යන විදියට”
දමිතා අබේරත්න මහත්මිය මේ බව පැවසුවේ ඊයේ (22) දිනයේදී මාධ්‍ය වෙත අදහස් දක්වමිනි.
RN
