සටහන: සශිකලා මධුෂාණි
සැප්තැම්බර් මස 24: ලෝකය(අවුට්බවුන්ඩ් ටුඩේ): තයිවානයට බලපාන ලද ටයිෆූන් රාගසා දැවැන්ත සුළි කුනාටුව හේතුවෙන් පුද්ගලයන් 14 දෙනෙකු මියගොස් 124 දෙනෙකු අතුරුදහන් වී ඇති බව එරට රාජ්‍ය මාධ්‍ය වාර්තා කර තිබේ.
ටයිෆූන් රාගසා දකුණු චීන මුහුද හරහා බටහිර දෙසට ගමන් කරන අතර සුළගේ වේගය පැයට කිලෝමීටර 195 ක් වේ.
මෙම සුළි කුණාටුවේ බලපෑම හොංකොං සහ දකුණු චීනයේ ද දක්නට ලැබෙන අතර චීන බලධාරීන්ට අවම වශයෙන් නගර 10 ක පාසල් සහ ව්‍යාපාර වසා දමා ෂෙන්සෙන් ප්‍රදේශයේ පුද්ගලයන් 40,0000 ක් ආරක්‍ෂිත ස්ථාන වෙත යොමු කර ඇත.
හොංකොං එහි ඉහළම ටයිෆූන් අනතුරු ඇඟවීම නිවේදනය කර ඇති අතර ඊයේ(23) සවස සිට ගුවන් ගමන් අත්හිටුවා ඇති අතර කැතේ පැසිෆික් සඳහන් කර තිබුණේ, එහි ගුවන් ගමන් 500 කට වඩා අවලංගු කිරීමට නියමිත බවයි.
දේශගුණික විපර්යාසවල බලපෑම් හේතුවෙන් ලෝකය උණුසුම් වන විට කුණාටු වඩාත් බලවත් වෙමින් පවතින බව විද්‍යාඥයින් අනතුරු අඟවා ඇත.
