තමන් ජනතා විමුක්ති පෙරමුණේ පූර්ණකාලිකයෙකු වුවත් තමන්ට හිමි දේපළ තමන් විසින් නඩත්තු කරන බවත් තමන්ගේ වත්ත සහ ගේදොර බලාගැනීම සඳහා නෑදෑයෙකු යොදවා ඇති බවත් කෘෂිකර්ම, පශූ සම්පත්, ඉඩම් හා වාරිමාර්ග අමාත්‍ය කේ. ඩී. ලාල්කාන්ත මහතා පවසයි.
“ඉඩම් තියෙනවා, ඒවා දැන් මගේ, හැබැයි මං පක්ෂයේ ෆුල්ටයිම් වැඩ, හැබැයි මම ඒවාත් බලනවා. මං සමහරවිට කවුරුහරි දාලා, ඒවායින්ම ආදායම් එනවානෙ, ඒවායින්ම පඩි ගෙවන්න පුළුවන්නෙ. හරි ? එතකොට මම ඒක බලනවා, ඒක නඩත්තු කරනවා. අත්හැරලා දාන්නෙ නෑ. හරිද ? පූර්ණකාලීනකමටත් මනුස්සයෙක් එනකොට නිකම් ඉපදිච්ච ගමන් මොකක්වත් නැතිව එනවා නෙවෙයිනෙ. ඒ මනුස්සයා පූර්ණකාලීන වෙනකොටත් ගොඩක් ජාති තියෙන කෙනෙක් නම් ? එයා අරවා නඩත්තු කරන්න එපැයි, එයා බලන්න එපැයි. ඒ තුළ ඒවායින් යම් ආදායම් වැඩිකරගන්න හිතුවාට කමකුත් නෑනෙ. හිතන්න ඕනෙනෙ. මං හිතන්න එපැයි මගේ අඹ ගස් ටිකෙන් වැඩි ආදායමක් ගන්න. නැතිව ඒවා නිකම් නන්නත්තාර වෙලා යන්න දෙන්න බැහැනෙ ? එතකොට ෆුල්ටයිම් කරනගමනුත් ඒක දිහා බලනවා. යාළුවෙකුට කියනවා, නෑදෑයෙකුට කියනවා, නෑදෑයෙක් දාලා තියෙනවා වත්ත සුද්ද කරන්න, ගෙවල් දොරවල් බලාගන්න. ඒක කරන්න වෙනවා, එහෙම නැත්නම් මහ පිස්සෙක්නෙ ? එතකොට ෆුල්ටයිම් කරනවා කියලා අරවා ඔක්කොම අතෑරලා ෆුල්ටයිම් කරනවා නෙවෙයිනෙ. හැබැයි මම එකක් කියන්නම්, දැනුත් අදත් අපේ පක්ෂයෙන් මා සතුව තියෙන පුද්ගලික ධනයක්, ඔය මං කියන්නෙ ඉඩම් ගෙවල්, අවශ්‍ය වුණොත් ඔක්කොම විකුණලා වුණත් දෙනවා මං. ඒක කියන්නෙ කයිවාරුවකට නෙවෙයි, අපි ඒවා කරලා තියෙනවා අවශ්‍ය නම්. දැන් මේ රජයේ වුවමනාවකට හරි මං ඉන්න පුද්ගලික ගේ හරි ජාතික වශයෙන් අවශ්‍ය වෙනවා නම් මං දීලා එළියට බහිනවා. එහෙම අපිට පුළුවන්”
කේ. ඩී. ලාල්කාන්ත මහතා මේ බව පැවසුවේ යූටියුබ් නාලිකාවක් සමග සම්මුඛ සාකච්ඡාවකට එක්වෙමිනි.
