මෙම වසරේ පළමු මාස 08 තුළ තේ අපනයන ආදායම ඇමරිකානු ඩොලර් මිලියන 825 ක් බව ශ්‍රී ලංකා තේ මණ්ඩලය පවසනවා. පසුගිය වසරට සාපේක්ෂව අදාල කාලසීමාව තුළ ආදායම සැළකිය යුතු ප්‍රමාණයකින් පහත වැටී ඇති බවියි එම ආයතනය පවසන්නේ.
පසුගිය වසරේ ජනවාරි – අගෝස්තු කාලසීමාව තුළ තේ අපනයනය කිරීමෙන් රටට හිමිව තිබෙන ආදායම ඇමරිකානු ඩොලර් මිලියන 882 කි.
පොහොර හිගය, ප්‍රවාහන දුෂ්කරතා ඇතුළු අර්බුද කිහිපයක් හේතුවෙන් මෙසේ ආදායම පහත වැටී ඇති බවයි ශ්‍රී ලංකා තේ මණ්ඩලය පෙන්වා දෙන්නේ.
රසායනික පොහොර භාවිතය තහනම් කිරීම මෙරට තේ වගාවට සෘජුවම බලපෑ අතර කාබනික පොහොර භාවිතයෙන් වී ඇතුළු වෙනත් වගාවන් සිදුකළ හැකි නමුත් තේ වගාවට රසායනික පොහොර අත්‍යවශ්‍ය වේ. වසර එකහමාරකටත් වඩා වැඩි කාලයක් තිස්සේ රටේ බොහෝ ප්‍ර‌ේදශවල තේ වගාව සඳහා පොහොර භාවිතා කර නොමැත.
UN
