සටහන – රෂිකා හෙන්නායක
කොළඹ (LNW): ANI ප්‍රවෘත්ති ඒජන්සිය සමග විශේෂ සම්මුඛ සාකච්ඡාවකට එක්වෙමින්, විදේශ අමාත්‍ය අලි සබ්රි මහතා ඉන්දියාව වේගයෙන්ම වර්ධනය වන විශාලතම ආර්ථිකයන්ගෙන් එකක් බව අවධාරණය කරයි.
විදේශ අමාත්‍ය අලි සබ්රි මහතා සඳහන් කරන්නේ, විශේෂයෙන්ම විදුලිය, පුනර්ජනනීය බලශක්තිය, සංචාරක සහ වරාය නැව් සම්බන්ධතා යන ක්ෂේත්‍රවල ඉන්දියාව සමග සමීප සබඳතා ඇති කර ගැනීමට තම රට බලා සිටින බවයි.ඔහු පවසන්නේ, ඉන්දියාව වර්ධනය වෙමින් පවතින වන අතර එම වර්ධන මාවත ඉතා වැදගත් බවත් ඒ සමග එක්ව කලාපය වර්ධනය විය යුතු බවයි.
විදේශ අමාත්‍යවරයා එම සාකච්ඡාවේදී තවදුරටත් පවසා ඇත්තේ, ශ්‍රී ලංකාවට අවශ්‍ය වන්නේ සෞභාග්‍යය, සාමය, සහජීවනය සහිත යහපත් කලාපයක් බවත්, ඒ අනුව අපට අවශ්‍ය වන්නේ යහපත් සහ සමෘද්ධිමත් අසල්වැසියෙකු බවත්ය.තම රටේ වත්මන් තත්ත්වය සහ ඉන්දියාවේ සහය පිළිබඳව කතා කළ අලි සබ්රි මහතා පසුගිය වසරට සාපේක්ෂව තත්ත්වය බෙහෙවින් යහපත් වෙමින් පවතින බව කියා සිටියේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
