සටහන – රුවන් නෙළුගොල්ල
මැල්සිරිපුර, පන්සියගම, නා උයන ආරණ්ය සේනාසනයේ කේබල් ඩක්කුව කඩාවැටීමෙන් සිදුවූ අනතුරින් තුවාල ලබා ප්රතිකාර ලබමින් සිටි තවත් හිමිනමක් අපවත් වී තිබේ.
එහිමියන් කුරුණෑගල රෝහලේ දැඩි සත්කාර ඒකකයේ ප්රතිකාර ලබමින් සිටියදී අපවත් වී ඇති බව සඳහන්.
ඒ අනුව මෙම අනතුරින් මේ වන විට අපවත් වූ හිමිවරු සංඛ්යාව 08 දක්වා ඉහළ ගොස් ඇත.
සිද්ධියෙන් තුවාල ලැබූ තවත් භික්ෂුන් වහන්සේලා පස්නමක් තවදුරටත් කුරුණෑගල රෝහලේ ප්රතිකාර ලබමින් සිටිති.
එම ආරණ්ය සේනාසනයේ කේබල් මතින් ගමන් ගන්නා ඩක්කුවක් කඩා වැටී අනතුරක් සිදුවූයේ පසුගිය 24 වැනිදා රාත්රියේදී ය.
අනතුර සිදුවන අවස්ථාවේදී භික්ෂුන් වහන්සේලා 13 නමක් එම ඩක්කුවේ ගමන් කරමින් සිට ඇති බවත් වාර්තා විය.
