ජාතික ජන බලවේගයේ ඡන්ද ලකුණ වෙනස් කළ යුතු බව හිටපු පාර්ලිමේන්තු මන්ත්‍රී විමල් වීරවංශ මහතා පවසයි.
දැනට පවතින “මාලිමාව” ලකුණ වෙනුවට ඒ සඳහා “නගුල” ලකුණ යොදාගත යුතු බවයි වීරවංශ මහතා සඳහන් කළේ.
ජාජබ ඉදිරි පෙළ නායකයින් මෑත කාලයේ සිදුකළ ප්‍රකාශ කිහිපයක්ද සිහිපත් කරමින් ඔහු පැවසුවේ ඔවුන් “යන යන තැන හානවා. ඒ නිසා නගුල ලකුණ තමයි හරියන්නේ” යනුවෙනි.
විමල් වීරවංශ මහතා මේ බව පැවසුවේ ඊයේ (29) හිරු රූපවාහිනී නාලිකාවේ විකාශය වූ දේශපාලන සංවාදයකදී ය.
