ආශිකා බ්රාහ්මණ
කොළඹ LNW:හිටපු ජනාධිපති රනිල් වික්රමසිංහට සහ හිටපු ජනාධිපති ලේකම් සමන් ඒකනායකට එරෙහිව පොදු දේපොළ පනත යටතේ ගොනුකර ඇති නඩුව අද (30) කොළඹ කොටුව මහේස්ත්රාත් අධිකරණයේදී යළි කැඳවීමට නියමිතයි.
රාජ්ය මුදල් අවභාවිත කළ බවට සැකපිට අදාළ නඩුව ගොනුකර ඇති අතර, සිද්ධිය සම්බන්ධයෙන් සිදුකළ විමර්ශන අවසන් කර ඊට අදාළ උද්ධෘත නීතිපතිවරයා වෙත යොමුකර ඇති බව අපරාධ පරීක්ෂණ දෙපාර්තමේන්තුව මීට පෙර අධිකරණයට දැනුම් දෙන ලදී.
ඒ අනුව නීතිපතිවරයාගේ ස්ථාවරය දැනුම් දීම සඳහා නඩුව අද කැඳවීමට කොළඹ කොටුව මහේස්ත්රාත් පසන් අමරසේන නියෝග කර ඇත.
හිටපු ජනාධිපති රනිල් වික්රමසිංහ සහ ඔහුගේ හිටපු ලේකම් සමන් ඒකනායකට එරෙහිව එල්ල වී ඇති චෝදනාව වන්නේ 2023 වසරේ බ්රිතාන්යයේ පැවති වික්රමසිංහ මහතාගේ බිරිඳ වන මහාචාර්ය මෛත්රී වික්රමසිංහගේ උපාධි ප්රදානෝත්සවයට සහභාගි වීම සඳහා සිදු කළ පෞද්ගලික සංචාරයකදී රුපියල් ලක්ෂ 166කට අධික රාජ්ය මුදලක් වැය කිරීමය.
