කොළඹ LNW:පාර්ලිමේන්තු මන්ත්‍රීවරුන්ගේ, ඇමතිවරුන්ගේ සහ හිටපු ජනාධිපතිවරුන්ගේ හිමිකම් දීමනා සහ වරප්‍රසාද නැවත සලකා බැලීම පිළිබඳව කමිටුවක් පත් කිරීමට කැබිනට් මණ්ඩලය තීරණය කර තිබේ.
ඒ අනුව කැබිනට් තීරණ දැනුම් දෙමින් අමාත්‍ය විජිත හේරත් මහතා පැවසුවේ දැනට පවතින අණපනත් අධ්‍යයනය කර වාර්තාවක් ඉදිරිපත් කිරීමට ත්‍රිපුද්ගල කමිටුවක් පත් කළ බවයි.
විශ්‍රාමික ශ්‍රේෂ්ඨාධිකරණ විනිසුරු කේ.ටී. චිත්‍රසිරි මහතා (සභාපති),විශ්‍රාමික අමාත්‍යාංශ ලේකම් ඩී. දිසානායක මහතා සහ විශ්‍රාමික දිස්ත්‍රික් ලේකම් ජයන්තා බුළුමුල්ල මහත්මිය අයගෙන් එම කමිටුව පත්කර ඇත.
මෙම කමිටුව සකසන වාර්තාව කැබිනට් මණ්ඩලයට යොමු කිරීමෙන් අනතුරුව උක්ත කාරණය සම්බන්ධයෙන් තීරණයක් ගන්නා බව විජිත හේරත් මහතා සඳහන් කරන ලදී.
ආශිකා බ්‍රාහ්මණ
