රෂිකා හෙන්නායක ඔක්තෝබර් 01, කොළඹ (LNW):
අද (01)දින ගොවි සංවිධාන විසින් පොහොර සහනාධාරය අත්හිටුවීමට මැතිවරණ කොමිසම ගත් තීරණයට එරෙහිව මැතිවරණ කොමිසමට පැමිණිල්ලක් ඉදිරිපත් කර ඇත.
මහා කන්නයට ලැබිය යුතු සහනාධාරය නොලැබුණ හොත් එය අස්වනුවලට දැඩිලෙස බලපානු ඇති බව, ගොවි ජනතාව මෙන්ම ගොවි සංවිධාන රැසක් අවධාරණය කර සිටියේය.
මහා කන්නයේ වී ගොවීන් සදහා රුපියල් 25000ක දීමනාවක් ලබාදීමට පසුගියදා ජනාධිපති අනුර කුමාර දිසානායක මහතා තීරණය කළ නමුත්, එම තීරණය බලාත්මක කිරීම කල්දමන ලෙසයි මැතිවරණ කොමිසම ඉල්ලා සිටියේය.
මැතිවරණ කොමිසම දැනුම් දී තිබුණේ, මෙම තීරණය තුළින් අනෙකුත් පාර්ශවයන්ට අගතියක් සිදුවන බවයි. එහෙත් එය අත්හිටුවීම තුළින් ඉදිරියේ දී පාරිභෝගික ජනතාව මෙන්ම ගොවීන් ද දැඩි අපහසුතාවට පත්වන බව ඔවුන් සදහන් කළේය.
නීතිඥ නුවන් ජයවර්ධන මහතා සදහන් කළේ, අද දිනයේ දී ගොවි ජනතාවගෙන් ලැබුණු පැමිණිලි ලිඛිතව මැතිවරණ කොමිසමට ලබාදුන් බවයි.
