ලිට්‍රෝ ගෑස් මිලේ අඩුවක් නෑ

සටහන – රුවන් නෙළුගොල්ල

ඔක්තෝබර් මාසයට අදාළව ගෘහස්ථ ගෑස් මිලේ වෙනසක් සිදු නොකරන බව ලිට්‍රෝ ගෑස් සමාගම පවසයි.

ඔක්තෝබර් මාසයේදී ජාත්‍යන්තර වෙළෙඳපොළෙහි LP ගෑස් මිල වැඩි වන පරිසරයකදී වුවද ලිට්‍රෝ ගෑස් පාරිභෝගික ජනතාවට සහන සැලසීමේ අරමුණින් මෙම අවස්ථාවේදී ගෘහස්ථ ගෑස් මිල වැඩි නොකිරීමට තීරණය කළ බවයි එම සමාගම නිවේදනයක් නිකුත් කරමින් සඳහන් කරන්නේ.

එමෙන්ම, මනා තොග කළමනාකරණය සහ මෙහෙයුම් කළමනාකරණ කටයුතු සාර්ථකව සිදු කළ බැවින් පාරිභෝගික ජනතාවට සහන සැලසීමට හැකිවූ බව එම සමාගම වැඩිදුරටත් පවසයි.

ඒ අනුව දැනට පවතින මිල ගණන්වලටම මේ මාසයේදීත් ගෑස් අලෙවි කෙරේ.

ඒ, (කොළඹ දිස්ත්‍රික්කයේදී) කිලෝග්‍රෑම් 12.5 ගෑස් සිලින්ඩරයක මිල රුපියල් 3,690ක්, කිලෝග්‍රෑම් 5 ගෑස් සිලින්ඩරයක මිල රුපියල් 1,482ක් සහ කිලෝග්‍රෑම් 2.3 ගෑස් සිලින්ඩරයක මිල රුපියල් 694ක් වශයෙනි.