කොළඹ LNW:ලෝක වෙළෙඳපොළෙහි බොර තෙල් මිල ඉහළ ගොස් ඇති බව ජාත්‍යන්තර මාධ්‍ය වාර්තා කරයි.
ඉරානය විසින් ඊශ්‍රායලය ඉලක්ක කර එල්ල කළ මිසයිල ප්‍රහාර හේතුවෙන් මැද පෙරදිග ගැටුම් වර්ධනය වීම මීට හේතුව වී ඇති බව සඳහන්.
මදපෙරදින මෙම ගැටුම් තත්ත්වය හේතුවෙන් ලෝක ඉන්ධන සැපයුමට බාධා ඇති විය හැකි බවටයි පුරෝකථනය වෙමින් ඇත්තේ.
ඒ අනුව බ්‍රෙන්ට් බොර තෙල් බැරලයක මිල ඩොලර් 74.40ක් දක්වා වර්ධනය වී තිබේ.
ඉරානය ලොව 7වැනි විශාලතම ඉන්ධන නිෂ්පාදකයා වනා තර ඔපෙක් සංවිධානයේ තෙවැනි විශාලතම ඉන්ධන නිෂ්පාදකයා ලෙසද ගැනෙයි.
ගැටුම් තවදුරටත් වර්ධනය වුවහොත් හොර්මුස් සමුද්‍ර සන්ධිය ඔස්සේ ඉන්ධන ප්‍රවාහන යාත්‍රා සඳහා ගමනාගමනයට බාධා එල්ලවිය හැකි අතර ඉරානය සහ ඕමානය අතර පිහිටි මෙම මුහුදු මාර්ගය ලෝක ඉන්ධන වෙළෙඳාමට විශාල දායකත්වයක් ලබාදෙන අතර එය ඔස්සේ ලෝක ඉන්ධන සැපයුමෙන් 20%ක් පමණ ප්‍රවාහනය වන බව සඳහන්.
අනෙකුත් ඔපෙක් සාමාජික රටවල් වන සෞදි අරාබිය, එක්සත් අරාබි එමීර් රාජ්‍ය,කුවේට් සහ ඉරාකය ද සිය ඉන්ධන ප්‍රවාහනය සඳහා මෙම සමුද්‍ර මාර්ගය භාවිත කරනු ලබයි.
ASK
