සටහන – රෂිකා හෙන්නායක
කොළඹ (LNW): අවම වශයෙන් 5%ක ප්රතිශතයකින් බස්ගාස්තු ඉහළ දැමීම සිදුකළ යුතු බව , සමස්ත ලංකා පෞද්ගලික රථ හිමියන්ගේ සංගමයේ ප්රධාන ලේකම් අංජන ප්රියංජිත් මහතා කියා සිටියේ, ඩීසල් මිල ඉහළ දැමීම හේතුවෙන් පෞද්ගලික බස්ගාස්තු ද ඉහළ දැමීමට රජය අවසර ලබා දිය යුතු බවයි.
ඊයේ (01) මධ්යම රාත්රීයේ සිට ක්රියාත්මක වන පරිදි සිපෙට්කෝ සහ ලංකා ඉන්දියන් ඔයිල් සමාගම ඔටෝ ඩීසල් ලීටරයක් රුපියල් 10කින් ද සුපර් ඩීසල් ලීටරයක් රුපියල් 62කින් ද ඉහළ දැමීමට පියවර ගෙන තිබුණු අතර එය තම බස් ගාස්තු සඳහා දැඩිව බලපාන බව ඔවුන් පවසයි.
මේ අනුව කෙටි දුර ධාවන බස් රථයකට රු.1000 ක පාඩුවක් වන බවත්, දුර සේවා බස්වලට රු. 2500 ක පාඩුවක් සිදුවන බවත් සමස්ත ලංකා පෞද්ගලික බස් හිමියන්ගේ සංගමය පවසයි.
ඒ අතර මෙම ඉන්ධන මිල වැඩි වීම පිලිබඳ පාරිභෝගික ජනතාවද මැසිවිලි නගමින් සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
