ඉසුරු පරාක්‍රම
කොළඹ (LNW): ඉකුත් දින රජය විසින් ඉදිරිපත් කරන ලද යෝජිත මාර්ගගත ආරක්ෂණ පනත් කෙටුම්පත රට තුළ අන්තර්ජාල නිදහස සහ ප්‍රජාතන්ත්‍රවාදී කතිකාව සම්බන්ධයෙන් දරුණු තත්ත්වයක් ඇති කරන, පමණ ඉක්මවා යන නීතියක් බව අන්තර්ජාල මාධ්‍ය ක්‍රියාකාරීත්වය අවධාරණය කරයි.
අද (02) දින නිකුත් කළ මාධ්‍ය නිවේදනයක් හරහා එම සංගමයේ කැඳවුම්කරු සම්පත් සමරකෝන් මහතා පෙන්වා දෙන්නේ, මෙම පනත් කෙටුම්පත විශේෂයෙන්ම දරුවන් මාර්ගගත අවකාශයේ සිදුවන හානිවලින් ආරක්ෂා කිරීමේ ක්‍රමවේදයක් ලෙස නිරූපණය වූව ද, විසම්මුතිය මැඬලීම සහ මාර්ගගත අන්තර්ගතයන් සහ විවරණ සම්බන්ධයෙන් අධිකාරී පාලනයක් ක්‍රියාත්මක කිරීම අරමුණු කරගත් කුරිරු පියවරක් බවයි.
මෙම ප්‍රශ්නකාරී පනත් කෙටුම්පත අවිවාදයෙන්ම ප්‍රතික්ෂේප කර සිටින අන්තර්ජාල මාධ්‍ය ක්‍රියාකාරීත්වය, එය නිවැරදි කළ නොහැකි දෝෂ සහිත එකක් බව විශ්වාස කරන අතරම, සෑම අවස්ථාවක මෙන්, ශ්‍රී ලංකාවේ ප්‍රජාතන්ත්‍රවාදී විභවය වඩා පරිපූර්ණව සාක්ෂාත් කර ගැනීම සඳහා, මූලධර්ම ආරක්ෂා කරමින්, මාර්ගගත ආරක්ෂාව සඳහා වඩාත් සමබර, යෝග්‍ය, අර්ථවත්, විනිවිද පෙනෙන ප්‍රවේශයක් වෙනුවෙන් පෙනී සිටින බව ඒ මහතා වැඩිදුරටත් අවධාරණය කර සිටියි.
සම්පූර්ණ නිවේදනය පහතින්:
