ලංකාවේ සිස්ටම් චේන්ජ් වූයේ මීට වසර 2330කට පෙර මිහිඳු හිමියන්ගේ ආගමනයෙන් වන අතර එදා භාරකාර සංකල්පය ඇති කළේ තිස්ස රජු සමඟ අවි ආයුධ 40,000ක් එක්ක දඩයමේ පැමිණි පිරිසකගෙන් වන බවත් යළිත් දැන් සිස්ටම් චේන්ජ් එකක් අවශ්‍යව පවතින බවත් මිහින්තලා රජමහා විහාරාධිපති වලවාහැංගුණ වැවේ ධම්මරතන ස්වාමීන් වහන්සේ පවසති.
නිදහස ලැබුණු දවසේ පටන් අගාධයට ගොස් ඇති බවයි උන්වහන්සේ සඳහන් කරන්නේ.
පාලකයන්ට අධි ආරක්ෂක මෙන්ම අධි පෝෂණ කලාප පවතින අතර සාමාන්‍ය ජනතාවට මන්දපෝෂණ බවත් උන්වහන්සේ ප්‍රකාශ කරති.
ඒ අනුව නිදහසෙන් පසු සිට මේ දක්වා පාලනය කළ දැනටමත් පාලනය කරන සියලු දෙනා මෙම අගාධයට ඇද දැමීම ගැන වගකිව යුතුවන බවයි උන්වහන්සේ පවසන්නේ.
එම නිසා පාර්ලිමේන්තුවේ 225ම එලවා දැමීමට කටයුතු කළ යුතුව ඇති බව ධම්මරතන ස්වාමීන් වහන්සේ අවධාරණය කරති.
ASK
