සිංහල, දෙමළ සංහිඳියාව ඔප් නැංවෙන මධුර මනෝහර ගීතයත් මේ දිනවල යූ ටියුබ් නාලිකාව දෙවනක් කරමින් වැයෙයි.
රත්නපාල ගමගේ
දෙමළ පවුලක ඉපදී මේ ගීතය ගයන්නේ දෙමළ භාෂාව කථා කළ නොහැකිව තිබියදී ස්විස්ටර්ලන්තයේ වෙසෙන ඔහුගේ සීයා වූ ජීවන් ප්රසාද්ගේ මගපෙන්වීම යටතේ ඔන්ලයින් තාක්ෂණයෙන් දෙමළ භාෂාව ප්රගුණකර මේ ගීය ගැයීම විශේෂත්වයක්.
කේ.ඩී.ආර්. ඩිල්ෂාන් පුත්තලම, මාම්පුරිය රෝමානු කතෝලික සිංහල, දෙමළ විදුහලෙන් අධ්යාපනය ලැබීය. අපොස සාපෙළ අවසන් කිරීමෙන් පසුව වයිබ්රේෂන් (Vibration) යනුවෙන් සිංහල සංගීත කණ්ඩායමක් ආරම්භ කර සිංහල ගීත පමණක් ගයන්න පටන් ගත්තේය.
දැනට සමාජ මාද්ය ඔස්සේ වෛරල් වෙමින් පවතින, එන්න කාරණා (ඇයි ද අනේ මේ…), සිංහල තරුණයෙක් දෙමළ තරුණියකගේ ප්රේමය අයැද සිටින අයුරු දැක්වෙන අපූරු පරිකල්පනයක් ගීතමය ස්වරයෙන් ශ්රාවකයන්ට රස විඳින්නට ලැබී තිබේ.
සිංහල තරුණියක් සමඟ විවාහවී ඇති ඩිල්ෂාන් (KDR), වෘත්තියෙන් ගොවි මහතෙකි. අක්කර 1½ ක භූමිභාගයක් ඔහුගේ දෑතින් අස්වැදීයි . දෙමළ සංස්කෘතික ලක්ෂණ එක්කල සිංහල ගීත ගයන්න පටන්ගත් නිසා ඔහු දැන් ජනප්රිය වී ඇත.
ආදරය යදින තරුණයෙකුගේ හඬ ගීතයට එක්කරමින් ඔහුගේ ප්රථම දෙමළ ගීතය වන වන්තිඩු කන්මනී VANDHIDU KANMANI , හෙට ලංකාවේ වේලාවෙන් සවස 5ට එළිදක්වන්නට නියමිතය. ලාංකීය සංගීතඤ ඩිල්ෂාන් ප්රියංකරගේ තනුවෙන් , ඉන්දීය සිනමා කවියෙකු වන මුරුගන් මන්ත්රම්ගේ පද මාලාවෙන්, ඩිල්ෂාන්ගෙන් හඬින් ඉන්දීය – ශ්රී ලාංකීය – යුරෝපීය ඒකාබද්ධ නිෂ්පාදනයක් හැටියට https://www.cinedigi.net/, youtube ඔස්සෙන් ඔබ කරා එන්නට සූදානම්ය.
දක්ෂ රූපවාහිනී – සිනමා කැමරා ශිල්පියෙක්, වැඩසටහන් නිෂ්පාදකයෙක් මෙන්ම නිවේදකයෙක් වූ ජීවන් ප්රසාද් මේ ගීතයේ පසුබිමේ යෝධ සෙවනැල්ලක් වූ බව ඩිල්ෂාන් පවසයි.
ඩිල්ෂාන් දැනට නිකුත් කර ඇති ගීතයේ පද රචනාව එන්න කාරණා (මොකක්ද හේතුව අනේ) යන අර්ථයෙන් යුත් මේ ගීතයේ පද රචනය: දම්ශ්රී මදුමාල්ගෙනි. සංගීතය: ප්රියන්ත නාවලගෙනි. වීඩියෝ අධ්යක්ෂණය සංදේශ් බණ්ඩාරගෙනි. ගායනය ඩිල්ශාන් ප්රියංකරගෙනි. කැමරාව දිනුක චමෝද්, සංස්කාරක සහ වර්ණ : මදුවන්ත ජයකොඩි
සංගීතය විශ්ව භාෂාවක්, එයට ජාති, ආගම්, කුලමල භේද අයත් නොවේ. එන්න බලන්න විඳින්න මේ ආදර ගීතය.
![](https://sinhala.lankanewsweb.net/wp-content/uploads/2023/08/LNW-Newsroom-ad-at-the-bottom-Sin-16-1024x137.png)