සටහන – නිශ්මං රණසිංහ
ඔක්තෝබර් 07, (LNW) කොළඹ :
ශ්‍රී ලංකාව සහ ඉන්දියාව සහභාගි වූ එක්දින සහ විස්සයි විස්ස තරගාවලියේ දී තාවකාලක පුහුණුකරු ලෙසින් ශ්‍රී ලංකා කණ්ඩායම සමඟ එකතු වූ සනත් ජයසූරිය,එම තරගාවලියේ දි ශ්‍රී ලංකාව ලැබූ අන්පේක්ෂිත ජයත් සමඟ එංගලන්ත සංචාරයේ දී මෙන්ම නවසීලන්තය ශ්‍රී ලංකාවේ පුහුණුකරු ලෙස තාවකාලිකව කටයුතු කළේය.
එම තරගාවලිය ද සාර්ථක විමෙන් පසුව ශ්‍රී ලංකා ක්‍රිකට් සනත් ජයසූරිය ස්ථීර ලෙස පුහුණුකරු තනතුරට පත් කරන්නට ශ්‍රී ලංකා ක්‍රිකට් තීරණය කර ඇත.එම කාල සීමාව මසා හයකි.ඔක්තෝම්බර් 1 වන දා සිට බලපැවත්වෙන පරිදි ස්ථීර කර ඇති පුහුණුකරු ධූරයේ කාලය මාර්තු 21 වන දායින් අවසන් වේ.
ශ්‍රී ලංකා ක්‍රිකට් කණ්ඩායම සම්බන්ධයෙන් පසුගිය කාලයේ සනත් ජයසූරිය ද යම් යම් ආකාරයේ විවේචනය කළ අතර ඔහු මේ ආකාරයට පුහුණුකරු ධූරයේ ස්ථීර කිරීමට ප්‍රථම එයට හිමි වැටුප් සම්බන්ධයෙන් සනත් සිය එකඟතාවය පළ නොකළ බවට ද වාර්තා පළ වූ අතර ඔහු වැඩි මුදලක් ඉල්ලමින් හෙට්ටු කළ බව වාර්තා විය.එහෙත් මේ වන විට ඔහු එම තතුරු භෘරගත් බව නිල වශයෙන් ශ්‍රී ලංකා ක්‍රිකට් තහවුරු කර ඇත.
http://www.sportwaynews.com
