සටහන – රුවන් නෙළුගොල්ල
ජී. ජී. අමරසිරි හෙවත් ‘ජුලම්පිටියේ අමරේ’ නැමැත්තාට පනවා තිබූ මරණීය දණ්ඩනයට එරෙහිව ඔහු විසින් ඉදිරිපත් කළ අභියාචනය විභාගයට නොගෙනම ප්‍රතික්ෂේප කිරීමට ශ්‍රේෂ්ඨාධිකරණය විසින් අද (07) තීන්දු කර තිබේ.
ඒ අනුව ඔහුව නියම වී ඇති මරණීය දණ්ඩනය තහවුරු කරමින් අදාළ අභියාචනා පෙත්සම නිශ්ප්‍රභ කිරීමට ශ්‍රේෂ්ඨාධිකරණය නියෝග කර ඇත.
2012 වසරේ කටුවන ප්‍රදේශයේ පැවති ජනතා විමුක්ති පෙරමුණේ රැස්වීමකට කඩා වැදී වෙඩිතබා පුද්ගලයින් දෙදෙනකු මරා දමා තවත් අයෙකුට මරණීය තුවාල සිදුකිරීමේ චෝදනාවට වරදකරු කරමින් ජී. ජී. අමරසිරි හෙවත් ‘ජුලම්පිටියේ අමරේ’ට දීර්ඝ නඩු විභාගයකින් අනතුරුව 2019 වසරේදී තංගල්ල මහාධිකරණය විසින් මරණීය දණ්ඩනය නියම කර තිබිණි.
