කොළඹ LNW:එඩිතර විපක්ෂයක් නිර්මාණය කරන බව මව්බිම ජනතා පක්ෂයේ නායක ව්යවසායක දිලිත් ජයවීර මහතා මහතා පැවසුවේය.
ඔහු මේ බව සඳහන් කළේ ඔවුන් නියෝජනය කරන සර්ව ජන බලය සන්ධානයේ අද (09) පැවති මාධ්ය හමුවේදීය.
සර්ව ජන බලය මහ මැතිවරණය වෙනුවෙන් ගම්පහ දිස්ත්රික්කය සහ හම්බන්තොට දිස්ත්රික්කය වෙනුවෙන් නව සංවිධායකවරුන් පත් කිරීම දිලිත් ජයවීර මහතාගේ ප්රධානත්වයෙන් සිදුකෙරුණි.
සර්ව ජන බලයේ පාර්ශවයක් ලෙස කටයුතු කළ ප්රජාතන්ත්රවාදී වාමාංශික පෙරමුණේ නායක වාසුදේව නානායක්කාර මහතා එළඹෙන මහ මැතිවරණයේදී ජාතික ජන බලවේගයට සහය පළකිරීම සම්බන්ධයෙන් අදහස් දක්වමින් දිලිත් ජයවීර මහතා පැවසුවේ වාසුදේව මහතාගේ ඉවත් වීම ගැටළුවක් නොවන අතර ඔහුට ජන පදනමක් නොමැති බවයි.
කෙසේවෙතත් ලංකාවේ දේශපාලනයේ සාධනීය වෙනසක් සිදුකරන බවද ජයවීර මහතා කියාසිටියේය.
පවතින ව්යවස්ථාව අනුව ජයග්රාහී කණ්ඩායමට පාර්ලිමේන්තු නිර්මාණය කර ගැනීමට ඉඩ දිය යුතු අතරම නැවුම් දේශපාලනයක් ආරම්භ කිරීම සඳහා එඩිතර ,නිර්මාණශීලි විපක්ෂයක් අවශ්ය බවද ජයවීර මහතා තවදුරටත් ප්රකාශ කරන ලදී.
ආශිකා බ්රාහ්මණ
