ආගමික සිද්ධස්ථානවල විදුලි බිල් සඳහා සහනයක් ලබාදීමට තීරණය කර ඇති බව මහජන උපයෝගීතා කොමිසමේ සභාපති ජනක රත්නායක මහතා පවසයි.
ඒ අනුව මාසිකව විදුලි ඒකක 180 ට වැඩියෙන් පරිභෝජනය කරන ආගමික සිද්ධස්ථාන මෙතෙක් පැවති පුණ්‍ය ආයතන කාණ්ඩයෙන් ඉවත් කර ඒවා පොදු කාර්යය කාණ්ඩයට ඇතුළත් කරමින් විදුලි ඒකකයක් සඳහා මෙතෙක් අය කළ රුපියල් 65ක මුදල රුපියල් 32ක් දක්වා අඩුකිරීමට තීරණය කළ බවයි ඒ මහතා සඳහන් කළේ.
එසේම මෙම ගාස්තු සංශෝධනය පසුගිය අගෝස්තු 10 වනදා සිට බලාත්මක වන පරිදි ක්‍රියාත්මක කෙරේ.
කෙසේවෙතත් මාසිකව විදුලි ඒකක 180 ට අඩුවෙන් පරිභෝජනය කරන ආගමික සිද්ධස්ථාන සාමාන්‍ය ක්‍රමවේදය අනුව විදුලි බිල ගෙවිය යුතු බවත් ජනක රත්නායක මහතා ප්‍රකාශ කළේය.
RN
