කොළඹ LNW:විපක්ෂයේ සියලු පක්ෂ එකට එකතු විය යුතු බව එක්සත් ජාතික පක්ෂයේ අභිප්‍රාය බව එහි සභාපති වජිර අබේවර්ධන මහතා පවසයි.
ජනතාවගේ පාර්ශවයෙන්ද එම එකමුතුව පිළිබඳ අදහසක් මතුව ඇති බවයි ඔහු සඳහන් කරන්නේ.
මේ අතර නුගේගොඩදී පැවැත්වීමට නියමිත රැළියටද සියලු පක්ෂ ඒකාබද්ධ විය යුතු බවට අදහස් කරන බවද අබේවර්ධන මහතා කියාසිටියි.
එමෙන්ම එක්සත් ජාතික පක්ෂය සමඟ එකට වැඩ කිරීම සම්බන්ධයෙන් සමඟි ජන බලවේගයේ කෘත්‍යාධිකාරී මණ්ඩලය සහ කළමනාකරණ කමිටුව එකඟත්වය පළකර තිබෙන අතර එජාපයේ ස්ථාවරය පිළිබඳවද ඉදිරියේදී ප්‍රකාශ කිරීමට නියමිතව තිබේ.
කෙසේවෙතත් සමඟි ජන බලවේගය අදහස් කරන පරිදි එම එකතුවේ නායකත්වය දැනටමත් ප්‍රධාන විපක්ෂය ලෙස සමඟි ජන බලවේගය විසින් දරනු ඇතැයි ප්‍රකාශ අකර තිබුණද පොදුවේ නායකත්වය පිළිබඳ අදහසක් මෙතෙක් ප්‍රකාශ වී නොමැත.
ආශිකා බ්‍රාහ්මණ
