රෂිකා හෙන්නායක ඔක්තෝබර් 12, කොළඹ LNW :
මිනිසුන් සහ වන අලි අතර ගැටුම අවම කිරීමට සහාය වීම සඳහා ‘Clean Sri Lanka’ ලේකම් කාර්යාලය විසින් දියත් කරන ලද වැඩසටහනක් යටතේ, තබ්බෝව වැව් තාවුල්ල වන අලින්ට ආහාර සැපයිය හැකි හරිත තණබිම් බවට පත් කර ඇත.
මෙම වැඩසටහනට වැව් රක්ෂිත ප්‍රදේශ පුරා පැතිරී තිබූ ආක්‍රමණශීලී ශාක ඉවත් කිරීම ඇතුළත් විය; එම ආක්‍රමණශීලී ශාක හේතුවෙන් අලින්ට ප්‍රමාණවත් ආහාර නොලැබී යාම නිසා ඔවුන් ආහාර සොයා අවට ගම්මානවලට පිවිසීමට පෙළඹී තිබූ බව, ලේකම් කාර්යාලය පවසයි.
වන අලින්ට ආහාර සැපයිය හැකි තණකොළ සහ වෙනත් ශාක වර්ධනය දිරිමත් කිරීම මගින් මෙම ප්‍රදේශ අලි-ඇතුන්ගේ වාසභූමි වැඩිදියුණු කිරීමේ කලාප (elephant enrichment zones) ලෙස යළි සකස් කිරීම මෙම ව්‍යාපෘතියේ අරමුණයි.
තබ්බෝවෙන් ආරම්භ වූ මෙම වැඩසටහන රට පුරා ඇති වැව් පද්ධතිය තුළ ද ක්‍රියාත්මක කිරීමට පියවර ගනිමින් පවතින බව ලේකම් කාර්යාලය පැවසීය.
වන අලින් සහ මිනිසුන් අතර ගැටුම් අවම කිරීමේ පියවරක් ලෙස වාසභූමි වැඩිදියුණු කිරීම හඳුනාගෙන ඇති අතර, මෙම වැඩසටහන පරිසර අමාත්‍යවරුන්ගේ මඟ පෙන්වීම යටතේ ක්‍රියාත්මක කෙරේ.
