යොනෙක්ස් බෙන්ඩිගෝ ජාත්‍යන්තර බැඩිමින්ටන් තරගාවලියේ සුපිරි 16 වටයේ ක්‍රීඩා කළ ශ්‍රී ලංකාවේ රනිත්මා ලියනගේ සිංගප්පූර ක්‍රිඩිකා ජැස්ලින් හූ ඉදිරයේ පරාජය ලැබුවාය.16 හැවිරිදි රනිත්මාට වඩා බොහෝ ජාත්‍යන්තර අත්දැකීම් සහ ජයග්‍රහණ ඇති ජැස්ලින් රනිත්මාට එරෙහි තරගයේදී දැඩි අපහසුවකට පත් කරමින් අභියෝග කළ රනිත්මා තරගයේ දෙවන වටයේ ජයග්‍රහණය අසළට පැමිණ ලකුණු 2-0 – 22 ක් ලෙස පරාජයට පත් වුණාය.
පළමු වටයේදී ද රනිත්මා පරාජයට පත් වුයේ ලකුණු 21 – 14 ක් ලෙසය.16 හැවිරිදි රනිත්මා විනාඩි 42 ක් පුරා තරගය රඳවාගෙන සිටිමින් පෙන්නූ කුසලතාවය අවබෝධ කරගෙන ඇයට දිගින් දිගටම ජාත්‍යන්තර පිටියේ අවස්ථා සළස්වා දීම බලධාරීන්ගේ යුතුකමකි.
සටහන – නිෂ්මං රණසිංහ
