සටහන – රුවන් නෙළුගොල්ල
හිටපු ජනාධිපති මෛත්‍රීපාල සිරිසේන මහතා ඊයේ (13) පෙරවරුවේ අල්ලස් හෝ දූෂණ චෝදනා විමර්ශන කොමිසම වෙත පැමිණ සිටියේය.
ඒ, එම කොමිසම විසින් කරන ලද කැඳවීමක් අනුව ය.
එහිදී පැය පහක පමණ කාලයක් තිස්සේ ප්‍රකාශයක් ලබාදීමෙන් අනතුරුව ඒ මහතා පස්වරු 02.00 ට පමණ එම ස්ථානයෙන් පිටව ගියේය.
ඒ සම්බන්ධයෙන් මාධ්‍ය වෙත අදහස් දැක්වූ මෛත්‍රීපාල සිරිසේන මහතා පැවසුවේ මෙසේ ය.
“කැඳවීමක් කරලා තිබුණා මීට අවුරුදු 15කට විතර පෙර ශ්‍රී ලංකා නිදහස් පක්ෂයේ මූලස්ථානයට සම්බන්ධ ආයතනයක සිදුවෙච්ච වංචා දූෂණයක් සම්බන්ධයෙන්. ඒ සම්බන්ධයෙන් පැහැදිලි කිරීමක් තමයි මට එන්න කියලා කරගත්තෙ. ඉතින් ඒක නිසා මම ඒ පැහැදිලි කිරීම කළා”
ප්‍රශ්නය – දැන් ඉතින් නිතර කැඳවීම් කරනවා නේද අල්ලස් කොමිසමෙන් ?
“ඔව්, ඒක ඉතින් ගාණක් නෑ … අපි ඉතින් එන්න එපැයි එන්න කිව්වාම. ඒක රටේ නීතියනෙ. ඒකෙ දෙයක් නෑ”
