සටහන – පුලී
ඔක්තෝබර් 15, කොළඹ (LNW): ඉකුත් දිනක කර්ණාටක කැබිනට් මණ්ඩලය රජයේ සහ පෞද්ගලික අංශයේ සේවය කරන කාන්තාවන් සඳහා නව ඔසප් නිවාඩු ප්රතිපත්තියක් අනුමත කරන ලදී.
ඇඟලුම් ඒකක, බහුජාතික සහ තාක්ෂණ සමාගම් ඇතුළුව මෙම විෂය පිළිබඳ පුළුල් ප්රතිපත්තියක් හඳුන්වා දුන් පළමු රාජ්යය කර්ණාටක ප්රාන්තයයි.
මෙහි දී කාන්තාවන්ට දැන් මාසයකට එක් වරක් වැටුප් සහිත නිවාඩුවක් ඉල්ලා සිටීමට සුදුසුකම් ලැබෙනු ඇත.
මෙම පියවර ගැනීමට මූලික හේතුව ප්රාන්ත රජය රැකියා ස්ථානයේ කාන්තා අයිතිවාසිකම් සහ සුභසාධනය උදෙසා වීම විශේෂත්වයකි. මේ පිළිබඳ කිසිදු බියකින් තොරව ඔවුන්ට එය ඉල්ලා සිටිය හැකි බව වැඩි දුරටත් සඳහන්. පාර්ලිමේන්තුවේ මේ පිළිබඳ නීතියක් නොමැති වුවද, ප්රාන්ත කිහිපයක් සහ පෞද්ගලික සමාගම් කිහිපයක් දැනටමත් එවැනි ප්රතිපත්තියක් ක්රියාත්මක කරන බව ද විදෙස් මාධ්ය වාර්තා කරයි.
තම රජය රැකියාවේ ගෞරවය සහ යහපැවැත්ම සඳහා කැපවී සිටින බව ප්රධාන අමාත්ය සිද්ධරාමයියා මේ පිළිබඳ පැවසීය. “2025 ඔසප් නිවාඩු ප්රතිපත්තිය හරහා, කර්ණාටක පුරා සිටින කාන්තා සේවිකාවන්ට දැන් සෑම මසකම වැටුප් සහිත නිවාඩු දිනයක් ලැබෙනු ඇත – වඩාත් මානුෂීය, අවබෝධය ඇතුළත් සේවා ස්ථානයක් කරා යන පියවරක්,” ඔහු X හි සටහනක මෙසේ පැවසීය.
