කොළඹ LNW:සමඟි වනිතා බලවේගයේ ජාතික සංවිධායිකා ධූරයෙන් ඉල්ලා අස්වෙන බවට හිරුණිකා ප්රේමචන්ද්ර මහත්මිය ඉදිරිපත් කර තිබෙන ලිපිය භාර නොගන්නා බව සමඟි ජන බලවේගයේ මහ ලේකම් රංජිත් මද්දුම බණ්ඩාර මහතා අවධාරණය කළේය.
ඒ,අද (16) සමඟි ජන සන්ධානය විසින් කැඳවා තිබුණු මාධ්ය හමුවේදීය.
එම මාධ්ය හමුවට රංජිත් මද්දුම බණ්ඩාර මහතා සමඟ හිරුණිකා ප්රේමචන්ද්ර මහත්මියද සහභාගී විය.
එහිදී මහ ලේකම්වරයා ලෙස රංජිත් මද්දුම බණ්ඩාර මහතා පැවසුවේ සමඟි වනිතා බලවේගයේ ජාතික සංවිධායකවරිය ලෙස දිගටම හිරුණිකා ප්රේමචන්ද්ර මහත්මිය කටයුතු කරන අතර ඇය ඊට එකඟත්වය පළකර තිබෙන බවයි.
එමෙන්ම මෙවර මහ මැතිවරණයේ ඇයගේ ජයග්රහණය වෙනුවෙන්ද අවශ්ය සහය ඇයට ලබා දෙන බවද මහ ලේකම්වරයා ප්රකාශ කළේය.
මහ මැතිවරණයත් සමඟ ඇය කාර්ය බහුල වීම නිසා සමඟි වනිතා බලවේගයේ කටයුතු සඳහා රට වටේ යා නොහැකි නමුත් එහි රජාකාරී තමන්ට බලාගත හැකි හෙයින් හිරුණිකා ප්රේමචන්ද්ර මහත්මිය උක්ත තනතුරේ අඛණ්ඩව කටයුතු කරනු ඇති බවයි මද්දුම බණ්ඩාර මහතා තවදුරටත් පැවසුවේ.
ආශිකා බ්රාහ්මණ
