රෂිකා හෙන්නායක ඔක්තෝබර් 16 , කොළඹ (LNW):
ලබන 30 වනදාට පෙර,රජයේ නිළ නිවාස භාර දෙන ලෙස රාජ්‍ය පරිපාලන ලේකම්වරයා සියලුම හිටපු අමාත්‍යවරුන්ට සහ රාජ්‍ය අමාත්‍යවරුන්ට යළි දැනුම් දී ඇත.
රාජ්‍ය පරිපාලන අමාත්‍යාංශය සඳහන් කරන්නේ, පාර්ලිමේන්තුව විසුරුවා හැරීමෙන් පසු රජයේ නිළ නිවාස යළි භාරදෙන ලෙස දැනුම් දී තිබුණ ද බොහෝ පිරිසක් මෙතෙක් ඊට ප්‍රතිචාර දක්වා නැති බවයි.
අමාත්‍යවරුන්ට සහ රාජ්‍ය අමාත්‍යවරුන්ට බංගලා 31 ක් ලබාදී තිබෙන අතර, මේ වන විටත් ඉන් භාර දී ඇත්තේ නිළ නිවාස 18ක් පමණක් බව වාර්තා වේ.
ඒ අනුව රජයේ නිළ නිවාස ලබන 30 වනදාට පෙර භාරදෙන ලෙස රාජ්‍ය පරිපාලන අමාත්‍යාංශ ලේකම්වරයා සියලුම අමාත්‍යවරුන්ට සහ රාජ්‍ය අමාත්‍යවරුන්ට යළි ලිපි යොමුකරමින් දැනුම් දී තිබෙන බව තොරතුරු වාර්තා වේ.
