ගලගොඩඅත්තේ ඥානසාර හිමියන් නිදහස් කරන ලෙස ඉල්ලා ජනාධිපති ලේකම් කාර්යාලය ඉදිරිපිට විරෝධතාවයේ නිරත වීම වළක්වාලමින් කොටුව මහේස්ත්‍රාත් අධිකරණය විසින් නියෝගයක් නිකුත් කර තිබේ.
අධි ආරක්ෂිත කලාපයක් වන ජනාධිපති ලේකම් කාර්යාලය ඉදිරිපිට විරෝධතාවයේ නිරතවීමට ඉඩ නොදෙන ලෙස පොලීසිය කළ ඉල්ලීමක් අනුව කොටුව මහේස්ත්‍රාත් අධිකරණය මෙම නියෝගය නිකුත් කර ඇති බව සඳහන්.
උලපනේ සුමංගල හිමි ඇතුළු 54 දෙනෙකුට එරෙහිව මෙම නියෝගය නිකුත් කර ඇති බවත් වාර්තා විය.
එමෙන්ම මේ වනවිට ජනාධිපති ලේකම් කාර්යාලය ඉදිරිපිටට විශාල පොලිස් නිලධාරීන් ප්‍රමාණයක් කැඳවා ඇති බවත් ආරංචිමාර්ග පැවසීය.
