සටහන – රෂිකා හෙන්නායක
කොළඹ (LNW): වසර 14කට පසුව මහපොළ අධ්‍යාපනික හා වෙළෙඳ ප්‍රදර්ශනය ලබන දෙසැම්බර් මාසයේ ජා ඇළ නගරසභා ක්‍රීඩාංගණයේ දී පැවැත්වීමට සැලසුම් කර ඇති බව වාර්තා වේ.
එම ප්‍රදර්ශන දෙසැම්බර් 13 වැනිදා සිට 17 දක්වා පැවැත්වීමට නියමිත අතර, ඒ සම්බන්ධයෙන් සාකච්ඡා කිරීම සඳහා අමාත්‍ය නලින් ප්‍රනාන්දු මහතාගේ ප්‍රධානත්වයෙන් ජා ඇළ ප්‍රාදේශීය ලේකම් කාර්යාලයේ දී සාකච්ඡාවක් පැවති අතර එහිදී රාජ්‍ය ආයතන එක්ව ඒකාබද්ධ වැඩපිළිවෙලක් ක්‍රියාත්මක කිරීමට සැලසුම් කර ඇති බව සඳහන් වේ.
එමෙන්ම පාසල් සිසු සිසුවියන් සඳහා විෂයානුබද්ධ හා ප්‍රායෝගික විශේෂ සම්මන්ත්‍රණ රාශියක් මෙන්ම, ව්‍යවසායකයින් හා අපනයන වෙළෙදපොල වෙත යාමට අපේක්ෂාවෙන් සිටින ව්‍යවසායකයින් වෙනුවෙන් වෙළෙඳ අමාත්‍යංශය යටතේ පවතින ආයතනවල තොරතුරු ද මෙමඟින් ලබා ගත හැකි බවද පැවසේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
