රෂිකා හෙන්නායක ඔක්තෝබර් 17, කොළඹ LNW :
දිවයින පුරා සිදු වූ හදිසි විදුලි බිඳවැටීමක් හේතුවෙන් බලපෑමට ලක් වූ ප්‍රදේශවලින් අඩකට පමණ දැනටමත් විදුලිය යථා තත්ත්වයට පත් කර ඇති බව ජාතික පද්ධති ක්‍රියාකරු සමාගම ප්‍රකාශ කරයි.
අද පෙරවරුවේ ප්‍රධාන සම්ප්‍රේෂණ ජාලයේ දෝෂයක් මතුවීම නිසා මෙම රටපුරා බලය ඇණහිටීම සිදුවිය. කෙසේ වෙතත්, අද සවස පස්වරු 6.30 වන විට මුළු විදුලි පද්ධතියම සම්පූර්ණයෙන්ම ක්‍රියාත්මක කිරීමට හැකි වනු ඇතැයි එම ආයතනය අපේක්ෂා කරයි.
බලාගාර බිඳවැටී ඇති බවට පැතිර යන පුවත් සම්පූර්ණයෙන්ම අසත්‍ය වන අතර, ආරක්ෂක විධිවිධානයක් ලෙස ගල් අඟුරු බලාගාරය පමණක් නීත්‍යානුකූල ක්‍රියාපටිපාටියට අනුව තාවකාලිකව ක්‍රියා විරහිත කර ඇත.
