1. රට ‘බංකොලොත්’ බව ප්‍රකාශ කිරීමෙන් ආණ්ඩුක්‍රම ව්‍යවස්ථාවේ 147, 148, 149, 150 සහ 151 යන වගන්ති උල්ලංඝණය කර ඇති බව එක්සත් ජාතික පක්ෂයේ සභාපති සහ පාර්ලිමේන්තු මන්ත්‍රී වජිර අබේවර්ධන ප්‍රකාශ කරයි – රටේ බංකොලොත්භාවය ප්‍රකාශ කිරීමට විරුද්ධ වූ එක්සත් ජාතික පක්ෂයේ එකම මන්ත්‍රීවරයා රනිල් වික්‍රමසිංහ බව සිහිපත් කරයි – අලි සබ්රි මුදල් අමාත්‍යවරයාව සිටියදී නීතිපති, මුදල් මණ්ඩලය, කැබිනට් මණ්ඩලයේ හෝ පාර්ලිමේන්තුවේ පූර්ව අනුමැතියකින් තොරව රටේ බංකොලොත්භාවය ප්‍රකාශයට පත් කර ඇත.
2. ආර්ථිකයේ “භයානක” තත්ත්වය පිළිබඳව පැවති කැබිනට් මණ්ඩලය “දැනුවත්ව නොසිටි” බව විදේශ අමාත්‍ය අලි සබ්රි ප්‍රකාශ කරයි – කෙසේවෙතත්, එවකට මුදල් අමාත්‍ය බැසිල් රාජපක්ෂ විසින් “ආර්ථිකය සහ ඉදිරි මාවත” පිළිබඳව පරිපූර්ණ කැබිනට් සංදේශයක් 2022 ජනවාරි 03 වන දින ඉදිරිපත් කළ බවත්, ආර්ථික අභියෝග සහ අවදානම් පිළිබඳව කැබිනට් මණ්ඩලය දැනුවත් කළ බවත්, මෙම “ඉදිරි මාවත” සැලසුමට අදාළව ඒකමතික කැබිනට් අනුමැතිය ලබාගත් බවත් දත්ත පෙන්නුම් කරයි.
3. ලංකා ඛනිජ තෙල් නීතිගත සංස්ථාවේ වාර සහ ස්ථානීය ටෙන්ඩර් ලංසු ආකර්ෂණය කර ගැනීමට අසමත් වී ඇති බව බලශක්ති අමාත්‍ය කංචන විජේසේකර ප්‍රකාශ කරයි – ජනවාරි 01 වනදා සිට ඉන්ධන සැපයීම සඳහා ඉල්ලුම් නොකරන ලද යෝජනා 301 ක් ලංකා ඛනිජ තෙල් නීතිගත සංස්ථාව විසින් නිශ්චය කර ඇති මුත් ඇණවුම් ලබා දී ඇත්තේ 60 කට පමණක් බවත්, ඉන් 11 ක් පමණක් ක්‍රියාත්මක කර ඇති බවත් අනාවරණය කරයි.
4. ශ්‍රී ලංකාව ඕස්ට්‍රේලියාවේ දී පැවැත්වූ ICC පිරිමි T20 ලෝක කුසලාන ආරම්භක තරඟයේ A කාණ්ඩයේ පළමු වටයේ දී නැමීබියාවට පරාජ විය. – නැමීබියාව 163/7 (පන්දුවාර 20); ශ්‍රී ලංකාව සියලු දෙනා දැවී 108 (පන්දුවාර 19).
5. 35,000 කට අධික පෞද්ගලික තුවක්කු හිමියන් දෙසැම්බර් 31 වැනිදාට පෙර සිය ගිනි අවි බලපත්‍ර අලුත් කළ යුතු බව ආරක්‍ෂක අමාත්‍යාංශයේ ජ්‍යෙෂ්ඨ නිලධාරියෙක් පවසයි.
6. නාවිකයන් 6 දෙනෙකු සමඟ මීට මසකට ඉහත දී අතුරුදන් වූ නාවික යාත්‍රාව සෙවීමේ කටයුතු බලධාරීහු වේගවත් කරති – අතුරුදන් වූ යාත්‍රාව දකුණු වෙරළට ඔබ්බෙන් ඉන්දියන් සාගරයේ නිතිපතා මුර සංචාරයක යෙදී සිට ඇත.
7. රුසියාවෙන් නැව්ගත කර ඇති බොරතෙල් මෙට්‍රික් ටොන් 99,000ක් රැගත් නෞකාව ගෙවීම් සිදුකර නිදහස් කරන තුරු බලා සිටින බව බලශක්ති අමාත්‍ය කංචන විජේසේකර ප්‍රකාශ කරයි – මීට ඉහත නැව්ගත කළ බොරතෙල් නැව් 2ක් සඳහා ගෙවීම් සිදු නොකිරීම තෙල් පිරිපහදුව වසා දැමීමට හේතු වූ බව පවසයි – ගෙවීම් සිදු කළ යුතු ඩීසල් මෙට්‍රික් ටොන් 35,000ක් රැගත් තවත් නෞකාවක් මුහුද අසබඩ සිටින බව අනාවරණය කරයි.
8. ජාත්‍යන්තර මූල්‍ය අරමුදලේ අවශ්‍යතා මත බදු ඉහළ දැමීමක් සිදු නොකළහොත් දේශීය ණය ගෙවීම් අවම කිරීම තෝරා ගැනීමට රජයට සිදුවන බව ලංකා වාණිජ මණ්ඩලයේ උප සභාපති දුමින්ද හුලංගමුව ප්‍රකාශ කර සිටියි.
9. ජ්‍යෙෂ්ඨ සිසුන්ගේ ම්ලේච්ඡ නවක වදය හේතුවෙන් පසුගිය වසර 15 තුළ රජයේ විශ්වවිද්‍යාලවල අධ්‍යාපනය අත්හැර දැමූ සිසුන් සංඛ්‍යාව 9834කට ආසන්න වන බව සමීක්ෂණයකින් හෙළි වේ! – උපාධි අපේක්ෂිකාවන් 9903ක් ජ්‍යෙෂ්ඨ සිසුන්ගේ ලිංගික වධහිංසාවලට ලක්ව ඇති බව ද අනාවරණය වේ.
10. දින කිහිපයක සිට පැවතෙන අධික වර්ෂාව, තද සුළං සහ දැඩි අකුණු සැර හේතුවෙන් පවුල් 13,902 ක පුද්ගලයන් 55,435 දෙනෙකු පීඩාවට පත්ව ඇති අතර පුද්ගලයන් 3 දෙනෙකු ජීවිතක්ෂයට පත්ව ඇති බව ආපදා කළමනාකරණ මධ්‍යස්ථානය ප්‍රකාශයට පත් කරයි.
