රෂිකා හෙන්නායක ඔක්තෝබර් 18 , කොළඹ (LNW):
ජ්යේෂ්ඨ වරලත් ගණකාධිකාරීවරයෙකු වන අර්ජුන හේරත් මහතා ශ්රී ලංකා ආයෝජන මණ්ඩලයේ නව සභාපතිවරයා ලෙස පත්කර ඇත. ශ්රී ලංකා පුද්ගලික දත්ත ආරක්ෂණ අධිකාරියේ හිටපු සභාපතිවරයෙකු ද වන හේරත් මහතා , කොළඹ කොටස් වෙළෙඳපොළේ අධ්යක්ෂ මණ්ඩල සාමාජිකයකු ලෙස කටයුතු කරයි.
තවද ඒ මහතා ශ්රී ලංකා ගිණුම් හා විගණන ප්රමිති සමීක්ෂණ මණ්ඩලයේ අධ්යක්ෂ මණ්ඩල සාමාජිකයෙකු ලෙසත්, ශ්රී ලංකා සුරැකුම්පත් හා විනිමය කොමිෂන් සභාවේ කොමසාරිස්වරයෙකු ලෙසත් සේවය කර ඇති අතර, ශ්රී ලංකා වරලත් ගණකාධිකාරී ආයතනයේ හිටපු සභාපතිවරයෙක් ද වන අර්ජුන හේරත් මහතා තවත් ආයතන ගණනාවක ඉහළ පෙළ තනතුරු දරා ඇති බව සඳහන් වේ,
