සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) ඔක්තෝම්බර් මස 18: පලස්තීන බටහිර ඉවුරේදී යුරෝපා රාජ්‍යතාන්ත්‍රික නිලධාරීන් පිරිසකට ඊශ්‍රායල පදිංචිකරුවන් විසින් ප්‍රහාර එල්ල කර ඇති බව විදෙස් මාධ්‍ය වාර්තා කරයි.
පලස්තීන ගොවීන්ගේ වාර්ෂික ඔලිව් අස්වනු නෙළීමේ කටයුතු වැළැක්වීම සඳහා සිදුකළ ප්‍රචණ්ඩ උත්සාහයක් අතරතුර මෙම සිදුවීම වාර්තා වී තිබේ. ප්‍රහාරයට ලක්වූ පිරිස අතර ප්‍රංශ නගරාධිපතිවරයෙකු සහ අගරදගුරු හිමිවරයෙකු ද සිටින බව සඳහන් වේ.
වාර්තා අනුව, මෙම සිදුවීම බටහිර ඉවුරේ ටයිබේ (Taybeh) ප්‍රදේශයේදී සිදුව ඇති අතර, යුරෝපා රටවල් කිහිපයක රාජ්‍යතාන්ත්‍රික නියෝජිතයන් එම අවස්ථාවේ එහි සිට තිබේ.
ප්‍රහාරය සම්බන්ධයෙන් බෙල්ජියම ඇතුළු යුරෝපා පාර්ශ්වයන්ගේ අවධානය යොමුව ඇති අතර, බටහිර ඉවුරේ පලස්තීන ජනතාවට එරෙහි ප්‍රචණ්ඩ ක්‍රියා සම්බන්ධයෙන් වගකිවයුත්තන්ට එරෙහි පියවර ගත යුතු බවට ද ඉල්ලීම් ඉදිරිපත් වී තිබේ.
මේ අතර, සිද්ධිය සම්බන්ධයෙන් ඊශ්‍රායල බලධාරීන්ගේ ප්‍රතිචාර සහ විමර්ශන පිළිබඳව වාර්තා මතුවීමත් සමඟ, එම ප්‍රදේශයේ ආරක්ෂාව සහ සිවිල් ජනතාවගේ අයිතිවාසිකම් පිළිබඳ අවධානය යළිත් ඉහළ ගොස් තිබේ.
