සටහන: සශිකලා මධුෂාණි
ඔක්තෝබර් 20; ලෝකය(අවුට්බවුන්ඩ් ටුඩේ) : නව ජනාධිපතිවරයා වශයෙන් ඩොනල්ඩ් ට්‍රම්ප් ධවල මන්දිරයට පැමිණියහොත් චීනය ඔහුව කුපිත කිරීමට එඩිතර නොවනු ඇති බව රිපබ්ලිකන් ජනාධිපති අපේක්ෂක ඩොනල්ඩ් ට්‍රම්ප් ප්‍රකශ කර තිබේ.
ජනාධිපති අපේක්ෂකවරයා මේ බව අද(20)දිනයේදී වෝල් ස්ට්‍රීට් ජර්නල් හි කර්තෘ මණ්ඩලයට අදහස් දක්වමින් ප්‍රකාශ කර තිබු අතර, චීනය විසින් තායිවානය අවහිර කිරීමට උත්සාහ කළහොත් චීනයට 150% සිටි 200% දක්වා තීරුබදු පනවන බව ඔහු මෙහිදී සඳහන් කර තිබිණ.
කෙසේ නමුත් චීනය වෙනුවෙන් තමාට හමුදාව යෙදවීමට අවශ්‍ය නොවන බව ප්‍රකාශ කළ ඩොනල්ඩ් ට්‍රම්ප් වැඩි දුරටත් සඳහන් කර තිබුණේ, චීන ජනාධිපතිවරයා සමඟ තමාට ඉතා ශක්තිමත් සබඳතාවක් පැවති බවත්, ඔහු ඉතා දරුණු පුද්ගලයෙකු වන බවත්, තමාට යම් පිස්සු ගතියක් ඇති බව ඔහු හඳුනන හෙයින් තමාට ගරු කරන බවත්ය.
මිට අමතරව සාකච්ජාව තුලදී ඩොනල්ඩ් ට්‍රම්ප් හා රුසියානු ජනාධිපති ව්ලැඩිමීර් පුටින් සමඟ පැවති සම්බන්ධතාවය පැහැදිලි කර තිබු අතර මෙහිදී ට්‍රම්ප් සඳහන් කර තිබුණේ, තමා ඔහු හොඳින් ඇසුරු කළ බවයි.
