රෂිකා හෙන්නායක ඔක්තෝබර් 21,කොළඹ (LNW):
ඌරන් ප්රවාහනය සඳහා සෞඛ්ය සහතිකය අනිවාර්ය කර ඇතැයි සත්ත්ව නිෂ්පාදන හා සෞඛ්ය දෙපාර්තමේන්තුව පවසයි. ඒ පැතිර යන වෛරස් රෝගය හේතුවෙන් බව වාර්තා වේ.
ඒ සඳහා කොට්ඨාස භාර පශු වෛද්යවරයෙකුගෙන් සෞඛ්ය සහතිකය ලබා ගත යුතු බවත්, පවතින තත්ත්වය පාලනය සම්බන්ධයෙන් ඌරු ගොවිපල හිමියන් සමග අද විශේෂ සාකච්ඡාවක් පැවැත්වෙන බව ද එහි අධ්යක්ෂ ජනරාල් වෛද්ය හේමාලි කොතලාවල මහත්මිය සඳහන් කළේය.
මේ දිනවල ඌරන් අතර ප්රජනන හා ස්වසන පද්ධතිය ආශ්රිත වෛරස් රෝගයක් පැතිරෙමින් ඇති අතර සත්ත්ව නිෂ්පාදන හා සෞඛ්ය දෙපාර්තමේන්තුව පැවසුවේ ,බස්නාහිර , වයඹ හා උතුරු මැද පළාත් ඇතුළු ප්රදේශ රැසකින් රෝගය වැළදුණු ඌරන් හඳුනා ගෙන ඇති බවයි.එම රෝගය වැළඳී මිය ගිය ඌරන්ගේ මස් අනුභව කිරීමෙන් වළකින ලෙස එම දෙපාර්තමේන්තුව ජනතාවට දැනුම් දෙයි.
