රජය විසින් ඉදිරිපත් කර ඇති ආදායම් බදු සංශෝධනය අසාධාරණ සහ අත්තනෝමතික බව රජයේ වෛද්ය නිලධාරීන්ගේ සංගමය පවසයි.
ඒ අනුව මෙම බදු සංශෝධනය පරාජයට පත්කිරීම සඳහා සියලු පාර්ශ්ව එක්විය යුතු බවයි එම සංගමය අවධාරණය කරන්නේ.
රටේ පවතින ආර්ථික අර්බුදය හමුවේ වෛද්යවරුන් විශාල වශයෙන් රට හැර යමින් සිටින අතර ඔවුන් රට තුළ රඳවා ගැනීමට හැකිවන පරිදි රාජ්ය ප්රතිපත්ති සකස් විය යුතු බවත් එම සංගමය ප්රකාශ කරයි.
එහෙයින් ආදායම් බදු ඉහළ නංවමින් ඉදිරිපත් කර ඇති දේශීය ආදායම් පනතේ සංශෝධන හකුළා ගැනීමට රජය ක්රියා නොකරන්නේ නම් වෘත්තීය සමිතියක් වශයෙන් දැඩි ක්රියාමාර්ග වලට එළඹීමට රජයේ වෛද්ය නිලධාරීන්ගේ සංගමයේ මධ්යම කාරක සභාව තීරණය කර ඇත.
RN
