කොළඹ LNW:ඇල්පිටිය ප්‍රාදේශීය සභා ඡන්දයට අදාළ ප්‍රචාරක කටයුතු හෙට (23) මධ්‍යම රාත්‍රියෙන් අවසන් කළ යුතු බව මැතිවරණ කොමිෂන් සභාව නිවේදනය කරයි.
එම නිහඬ කාලය ලබන 26 වනදා ඡන්ද විමසීම පවත්වා ප්‍රතිඵල ප්‍රකාශකයට පත් කිරීම දක්වා පවතින බව එම නිවේදනයේ දැක්වෙයි.
මැතිවරණය අදාළ අවසන් දේශපාලන ප්‍රචාරක රැස්වීම්වල වීඩියෝ දර්ශන හා විස්තර 24 වැනිදා තුළ එක් ප්‍රධාන ප්‍රවෘත්ති විකාශයක පමණක් ප්‍රචාරය කළ හැකිය.
එමෙන්ම පුවත්පත්වල අවසාන රැස්වීම් සම්බන්ධ වාර්තා, ජායාරූප 25 වැනිදා නිකුත් වන පුවත් පතේ දැක්විය හැකි බවද කොමිසම සඳහන් කරයි.
මෙම කොන්දේසි සියලුම සමාජ මාධ්‍ය පරිපාලකවරුන්ට ද අදාළ වන අතර සියලුම දෙනාට සම අවස්ථා සැලසෙන අප්රිදි මෙම ප්‍රචාරණ කටයුතුද සිදුකළ යුතු වෙයි.
ආශිකා බ්‍රාහ්මණ
